Google News

Lajmet nga ana e GOOGLE

Google lansoi celularin e vet gPhone
Makina më e madhe e kërkimit në botë, Google, sot në New York ka lansuar telefonin e vet celular gPhone.
Bëhet fjalë për telefonin i cili do të funksionojë me sistemin operativ të kodit të hapur -Android.

Celularin e Googlet që nga mesi i muajit tetor do ta paraqes në shitje T-Mobile, filiali amerikan i operatorit telekomunikues gjerman Deutsche Telekom.

gPhone është punuar në teknologjinë e gjeneratës së tretë (3G), përmban sistem për pozicionim global GPS, lidhje wireless EDGE, Bluetooth e Wi-Fi, si dhe një varg të gjerë të funksioneve multimediale.


gPhone do të duhej që në tregun amerikan të kushtojë 199 dollarë, derisa në atë evropian rreth 200 euro me parapagim dyvjeçar, që vlen po ashtu edhe për tregun e SHBA-ve.

Ky smartphone (një kombinim i telefonit celular dhe kompjuterit të xhepit), para së gjithash, do të mundësojë qasje në shërbimet e njohura të Googlet, siç janë Search, Gmail, Calendar, Picasa, Bloger, Maps apo qasje në shërbimin për video YouTube, por edhe një numër tjetër të madh të aplikacioneve të cilat do t’i zhvillojë Google apo ndonjë kompani tjetër.

63 % e kërkimeve në SHBA nëpërmes makinës së Google
Kërkuesi më i madh i internetit në botë, Google, ka arritur që gjatë muajit gusht në Shtetet e Bashkuara të Amerikës të realizojë pjesëmarrje prej 63 për qind në të gjitha kërkimet e bëra nga shfrytëzuesit amerikanë të internetit, ka njoftuar instituti për hulumtime comScore.
Sipas mediave elektronike franceze, ky është rezultati më i mirë i Googlet i realizuar brenda pesë muajve të fundit.

Vendin e dytë, po sipas të dhënave të comScore, e zë Yahoo me pjesëmarrje prej 19.6 për qind, që paraqet rënie prej 0.9 për qind për të.

Në vendin e tretë të kësaj liste gjendet Microsoft me pjesëmarrje prej 8.3 për qind, derisa në vendin e katër pozicionohet Ask.com me 4.8 për qind, që paraqet rritje për 0.3 për qind.

Nëse nuk llogariten kërkimet e fotografive, video incizimeve të cilat i kanë bërë shfrytëzuesit e internet si dhe informatat lokale, shfrytëzuesit amerikanë të internetit, siç vlerësohet, gjatë muajit gusht kanë bërë gjithsej 11.75 miliardë kërkime nëpërmes makinave të kërkimit prej të cilave 7.4 miliardë janë bërë nëpërmes Google.